BIASHARA YA VIDOLE VYA MIGUU NCHINI ZIMBABWE: Ni nini hasa kinaendelea?

-

 “Nchini Zimbabwe, watu wameanza kuuza vidole vya miguu yao kwa maelfu ya dola. Hii ni kutokana na gharama za juu za kimaisha na serikali kushindwa kutengeneza ajira.” Hii ni sehemu ya ujumbe ulioandikwa kwenye mtandao wa Twitter siku nne zilizopita kupitia akaunti ya @InnocentZikky, chapisho ambalo pia limeeleza kuwa vidole hivi huuzwa kwa dola kimarekani 20,000 kwa vidole vidogo (sawa na Milioni 46 ya kitanzania) na dola 40,000 kwa vidole gumba (sawa na Milioni 93 za kitanzania). Chapisho hili liliambatanisha maneno hayo pamoja na picha ya mguu usio na vidole vyote, picha mojawapo kati ya picha tatu. BBC imeripoti kuwa mwanablogu mmoja wa Zimbabwe amedai biashara hiyo inafanyika katika kituo kimoja cha maduka katika mji mkuu wa Harare. Tetesi zaidi zinasema kuwa vidole hivi hutumiwa na watabibu wa kitamaduni wakijulikana kama waganga bandia wanaohusishwa na imani za kishirikina. Waganga hawa hushutumiwa na waganga wa kienyeji wanaotambulika kwa jina la ‘sangoma’ katika baadhi ya maeneo kusini mwa bara la Afrika.

Hadi sasa kufikia kusambaa katika nchi mbalimbali kama Tanzania na Nigeria, nchini Zimbabwe taarifa hizi zilisambaa mtandaoni huku watu wengi wakiambatanisha picha na ‘hashtag’ #Chigunwe ikimaanisha vidole vya miguu kwa watu wa Shona. Hata hivyo, gazeti la burudani la H-METRO nchini humo limeripoti kuwa serikali ya Zimbabwe imekanusha taarifa hizo zinazosambaa mtandaoni ambazo mwanablogu kwa jina la Gambakwe alichapisha mnamo tarehe 28 mwezi Mei kwamba biashara ya kuuza vidole inaendelea katika duka kuu la Ximex Mall na kwamba wanaofanya biashara hiyo wananunua vidole vya miguu kwa pesa nyingi. Wafanyabisahara katika maduka hayo wamekanusha taarifa hizi huku mfanyabiashara mmoja ambaye mwanzo alidai kuwa kuna ukweli katika taarifa hizi naye pia alikuja kukanusha akidai alikuwa amelewa na alikuwa anatania tu. Serikali nchini humo pia imetoa onyo kali kuwa wanaosambaza taarifa hizo potoshi na za uongo mtandaoni huku ikisisitiza kuwa wanajiweka katika hatari ya kukamatwa.

Akizungumza na shirika la Habari nchini Zimbabwe, ZBC, Naibu Waziri wa Habari na Utangazaji, Kindness Paradza alisema serikali imelifanyia uchunguzi suala hilo na kugundua hakuna ukweli wowote kuhusiana na sakata hilo. Aliongeza pia kuwa, watu wanaosambaza taarifa hizi wanadhamiria kuharibu taswira ya wananchi wa nchi hiyo wanaofanya kazi kwa bidii kujikimu kimaisha kwa kuleta dhahania ya kuwa wanauza vidole vyao ili kujipatia kipato.

Wafanyabiashara wa Ximex Mall wamepanga siku ya kesho kwenda kazini wakiwa wamevalia mavazi maalumu (‘slops’ katika lugha ya kiingereza) kuionyesha dunia kuwa vidole vyao vyote vipo salama kabisa.


Comments

  1. AnonymousJune 3, 2022 at 1:15 PM

    Aiseee! kumbe Sio kweli Ni taarifa za uzushi tu,

    ReplyDelete

Post a Comment

Popular posts from this blog

MFUMUKO WA BEI YA MAFUTA: Namna vita ya Urusi na Ukraine inavyochangia kupanda kwa bei ya mafuta na hatua zinazochukuliwa na serikali kukabiliana na mfumuko huo nchini Tanzania.

-
Moja kati ya mijadala mizito iliyozuka mitandaoni katika siku za hivi karibuni ni suala la kupanda kwa bei ya mafuta hadi kufikiwa kiwango cha juu zaidi kuwahi kuwepo katika soko la dunia kwa takribani miaka 14 sasa. Mamlaka ya Udhibiti wa Huduma za Nishati na Maji (EWURA) Mei 3 mwaka huu ilitangaza bei mpya kikomo za bidhaa za mafuta ya petroli kutumika kuanzia Mei 4 hapa nchini. Huku hali ya taharuki ikizuka kutokana na bei hizo kuwa juu sana mfano, bei elekezi ya mafuta ya petroli kwa rejareja jijini Dar-es-salaam ikiwa ni Tsh.3,148/= na bei ya dizeli ikiwa ni Tsh.3,264/=, serikali imekwisha toa tamko bungeni juu ya hatua za dharura zitakazochukuliwa. Aidha, watu wengi wamekuwa wakihoji uwiano na uhusiano wa kupanda kwa bei ya mafuta na sababu kubwa inayoelezwa kuwa ndiyo chanzo; vita ya Urusi na Ukraine. Ni kwa vipi vita ya Urusi na Ukraine inapelekea mfumuko wa bei ya mafuta? Mnamo Februari 24 mwaka huu, nchi ya Urusi iliivamia na kuingia ndani ya mipaka ya nchi ya Ukraine kat...
Read more

Ugonjwa wa 'Monkeypox': Je, tunapaswa kuwa na wasiwasi?

-
‘Monkeypox’ ni ugonjwa unaosababishwa na kirusi ambacho hutoka kwa wanyama kwenda kwa binadamu (kitaalamu huitwa ‘viral zoonosis’). Huu ni ugonjwa wenye dalili zinazofanana na zile zilizokuwa zikionekana kwa wagonjwa wa ndui (smallpox), licha ya kuwa madhara yake mwilini sio makali kama yale ya ndui. Monkeypox kimsingi ni ugonjwa ambao umekuwepo katika Afrika ya Kati na Magharibi, sanasana katika maeneo ya misitu ya mvua ya kitropiki na umekuwa ukisambaa kuelekea maeneo ya mijini. Jamii kadhaa za wanyama zimetajwa kuathirika zaidi na kirusi cha ugonjwa huu wa ‘Monkeypox’ ikiwemo aina fulani ya nyani, jamii za chindi (squirrels), panya kutoka Gambia, na aina zingine kadhaa za wanyama. Kisa cha kwanza cha Monkeypox kiliripotiwa mwaka 1970 katika Jamhuri ya Kidemokrasia ya Kongo kwa mvulana wa miaka tisa katika kipindi ambacho harakati nyingi sana za kupambana na ugonjwa wa ndui zilikuwa zikiendelea huku visa zaidi vikiendelea kuripotiwa Afrika ya Kati Pamoja na Afrika Magharibi. Tang...
Read more

MALKIA ELIZABETH II

-
 Uingereza leo hii, baada ya zaidi ya miaka 70 imeshuhudia kuchomoza kwa jua pasi na Malkia Elizabeth II kuwa kwenye utawala. Mnamo Septemba 9 2022, Malkia Elizabeth II aliyedumu muda mrefu zaidi nchini humo alifariki akiwa Balmoral akiwa na umri wa miaka 96 baada ya kutawala kwa zaidi ya maiak 70. Hakuna kiongozi aliyewahi kuwa na uzoefu kama huu. Mamilioni ya watu duniani wameungana na Waingereza na watu wa mataifa mengine 14 aliyokuwa akitawala mpaka umauti ulipomfika katika kuomboleza kifo cha Malkia Elizabeth II. Malkia Elizabeth II ni nani has ana kwanini kifo chake kimewagusa wengi? Wasifu wa Malkia Elizabeth na historia ya maisha yake Elizabeth Alexandra Mary Windsor alizaliwa mnamo Aprili 21, 1926 katika jumba lililokuwa karibu na Berkeley Square jijini London. Alikuwa mtoto wa kwanza wa Albert, mwanamfalme Mtawala wa York na mkewe ambaye zamani alifahamika kama Lady Elizabeth Bowes-Lyon. Elizabeth na dada yake Margaret Rose (aliyezaliwa 1930) walilelewa katika mazingira ...
Read more